Erdi mailako eskaintza - 2023-2024 ikastaroa

2023-2024 ikasturteko eskaintzaren liburuxka deskargatu:     ERDI MAILA

Erdi-mailako informazio orokorra        ^

Erdi-mailako heziketa-zikloek LHko teknikariaren titulua lortzea dakarte. Derrigorrezko Bigarren Hezkuntzaren ondokoa osatzen duten irakaskuntzak dira, eta Lanbide Kualifikazioen Katalogo Nazionaleko 2. mailako konpetentzia-atalei lotuta daude

Ikasleek enplegu kualifikatuak lortzea ahalbidetuko dien gaitasun profesionala lortzera bideratuta daude, bai eta ondo zehaztutako jarduera profesionalen multzo bateko gaitasuna ere, norberaren tresnak eta teknikak erabiltzeko gaitasunarekin, batez ere teknika horien mugan autonomoa izan daitekeen gauzatze-lanari dagokionez. Jardueraren oinarri teknikoak eta zientifikoak eta prozesua ulertzeko eta aplikatzeko gaitasunak ezagutzea eskatzen du.

Teknikariaren titulua lortu ondoren, honako hauek egin ahal izango dituzu:

• Lan-munduan sartzea.
• Lanbide Heziketako edo Arte Plastiko eta Diseinuko goi-mailako ikasketekin jarraitzea.

Egitura eta antolamendua        ^

Iraupena: 2.000 ordu (1.400 orduko salbuespena izan ezik), aurrez aurreko modalitateko bi ikasturtetan antolatua.

Hauek dira lanbide-moduluak (ikasgaiak):

• LKKNaren 2. mailako konpetentzia-atalei lotutako lanbide-moduluak. Kualifikazio osoa lor daiteke (osatzen duten konpetentzia-atal guztiak erdi-mailako heziketa-zikloan badaude), edo kualifikazio osatugabea (zikloan ez daude kualifikazioaren konpetentzia-atal guztiak). Heziketa-zikloek, gutxienez, lanbide-kualifikazio osoa eskaintzen dute.
• Konpetentzia-atalei lotu gabeko modulu teknikoak. LKKNari lotu gabeko gaitasun teknikoak ematen dituzte.
• Zeharkako moduluak (erdi-mailako heziketa-ziklo guztietarako komunak):
  • Laneko prestakuntza eta orientazioa: laneko Arriskuen Prebentzioaren oinarrizko maila egiaztatzen du.
  • Enpresa eta ekimen ekintzailea: ekintzailetzara eta barne-ekintzailetzara bideratua.
• Hizkuntza teknikoko modulua (ez dago erdi-mailako heziketa-ziklo guztietan).
• Lantokiko Prestakuntzako modulua (LP): enpresetan eta erakundeetan egiten da, eta benetako esperientzia ematen du lan-ingurune batean.

LHko erdi-mailako sarbidea        ^

• Ikasketa baldintzak.
• Erdi-mailako sartzeko proba.
• Erdi-mailako zikloetan sartzeko ikastaroa.